محمد إمام يلوم المُجتمع الشرقي على فضيحة أحمد الفيشاوي

حرص الفنان محمد إمام، على الدفاع عن صديقه أحمد الفيشاوي، بعد تعرضه للهجوم من الجمهور، على خلفية تفوهه بلفظ خارج في حفل افتتاح مهرجان الجونة السينمائي.
وكتب "إمام"، عبر صفحته الشخصية على موقع "إنستجرام"، "أنا بحب أحمد الفيشاوي.. مشكلة أحمد أنه عايش بدماغ غربي في مجتمع شرقي متحفظ جدًا، بيغلطوا اه بس ما يحبوش اللي بيحبوهم يغلطوا.. أنا عشت مع أحمد أياما في بيت الأستاذ فاروق الفيشاوي ومدام سمية الألفي وماشفتش منهم غير كل حب.. الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات ( ده غير أن أول مسلسل ليا في حياتي كان مع الاتنين دول)".
وأضاف: "وعلى فكرة أحمد الفيشاوي ده من أقوي الممثلين اللي في مصر.. سيبوه يعيش حياته زي ماهو عاوز وانتوا عيشوا حياتكم زي مانتوا عاوزين.. البوست ده مش دفاعًا عن أحمد، هو فعلًا غلط واعتذر، بس كان في كلمتين لازم اقولهم بحق العيش والملح والعِشرة اللي بيننا".