بعض الأمور البسيطه تعمليها لكى تتمتعى بأرجل و أفخاذ مشدوده

الصيف داخل على الأبواب و كل شىء حيتكشف و يبان و مفيش حاجه حتستخبى على جوزك ..... آه

خلاص قربنا نطلع من هدومنا

يعنى لازم تعتنى بأرجلك جدا ....لأنها حاجه مهمه جدا بالنسبه للزوج .... و خصوصا منطقة الأفخاد ....لازم تكون متناسقه و مشدوده و مش مترهله

لأنك لو لبستى قصير( فى البيت طبعا ) و منظر أفخادك و رجليكى مش حلو يبقى بلاش أحسن ... خبيهم ...إتحجبى له فى البيت

و علشان منظر الأفخاد الجميله مهم جدا جدا جدا للزوج و لنفسك إنتى كمان

إليكى بعض الطرق لتجميلها و المحافظه عليها :

1- الإهتمام برياضة المشى حتى لو فى البيت لشد منطقة الأفخاد و عدم الإصابه بالترهلات التى تفسد المنظر

2- ممارسة ركوب العجله الرياضيه الثابته فى البيت و لو مش عندك ممكن تعملى التمرين ده : تنامى على ظهرك و ترفعلى نصفك الأسفل بأيديكى و تعملى حركة العجله فى الهواء لمدة 20 دقيقه على الأقل مرتين كل يوم .... مره الصبح و مره بالليل .

3- أثناء الإستحمام إستخدمى الليفه تكون خشنه شويه و إدعكى بيها منطقة الأفخاد من تحت لفوق و دلكى بيها هذه المنطقه لتنشيط الدوره الدمويه فيها

4- لازم العضلات الداخليه للفخدين تكون مشدوده علشان تبقى أفخادك جميله إعملى التمرين ده : نامى على جنبك الشمال و إرفعى رجللك اليمين فى الهواء و إعملى دوائر فى الهواء برجلك كأنك بترسمى دوائر برجلك و بعدين نامى على الجنب التانى و إعملى كده للرجل التانيه 40 دائره فى كل مره

5 - إهتمى ببياض المنطقه الداخليه للفخذين .... بأنها تكون مشدوده بالرياضه و المشي زي ما قولت و كمان تكون مش بتحتك ببعضها بدهان كريم فى هذه المنطقه ( كريم جليسوليد مثلا ) بشرط إختيار الوقت المناسب للدهان مش أى وقت كده.و كمان لما حيكون وزنك مناسب و مش زائد عن الحد حتقللى من فرصة إحتكاك الأفخاذ ببعضها و حتظل هذه المنطقه بلونها الطبيعى و لا يصيبها الإسمرار الناتج عن اللإحتكاك.

6- شرب الماء بكثره و الإمتناع عن المواد التى تحتوى على صوديوم ( مثل المياه الغازيه و المخللات ) لأن الصوديوم بيحبس السوائل فى الجسم و هو من أهم العوامل التى تسبب السليوليت الذى يفسد شكل البشره.

حقيقى دى حاجات بسيطه ممكن أى واحده تعملها علشان تحافظ على جمال رجليها و أفخادها (( طبعا علشان تلبسى قصير فى البيت زى ما إنتى عايزه و تكونى واثقه فى نفسك و شكلك و جمالك )) و تجننى زوجك