كيف تختارين البنطلون المناسب؟؟

انتشر بين البنات لبس البنطلونات ،، بشكل اكثر من اول ،، و نادراً أو اقدر اقول مستحيل ما تشوفين بنت ما تلبس بنطلون بس فيه ساعات تشوفين بنت لابسه بنطلون و تحسين إن شكلها غلط ،، و يضحك ،، و السبب إنها ما عرفت تختاره صح ،، فكرة موضوعي اليوم ،، نتكلم عم كل جسم وش يناسبه من قصات البناطيل و اشكالها المهم في الفكرة انك تختارين البنطلون اللي يبرز شكل جسمك و قوامه


* إذا كان جسمك يتميز بقصر منطقه الوسط ،، فاللي يناسبك هي بناطيل (( لو وست )) اللي خصرها نازل لأنه يعطي إيحاء بطول منطقه الوسط


أما إذا كانت منطقة الوسط عندك طويله ،، فالأفضل لك البناطيل اللي وسطها عالي (( هاي وست )) عشان تعطي توازن بين طول منطقه الوسط ،، طول باقي الجسم



أما إذا كنتِ مليانه ،، و عريضة الأرداف ،، فاللي يناسبك هو البنطلون العريض من تحت من عند الارجل عشان يعمل توازن بين اعلى البنطلون و اسفله ،، لأن أعلى البنطلون بيصير واسع ،، بعد احرصي على أن الجيوب الخلفيه تصير كبيره و قربيه من بعضها ،، لأنه هذا يغطي على الجسم ،،

لو كنتي قصيرة فاحرصي على لبس البنطلون مستقيم الساقين و الطويل ،، بحيث يوصل طوله للأرض أو لمنتصف الكعب ،، و ابعدي كل البعد عن البرمودا ،، لأنها تناسب أكثر شيء اللي قامتهم طويله و نحيفه