طريقة تخزين البرتقال البلدى
طريقة تخزين البرتقال البلدي
سهل ومافهوش اي صعوبة.خالص
خزني عشان تشربي عصير برتقال فريش في رمضان... كل سنة وانتم طيبين وكمان ممكن تعملي بيه كيك
بالبرتقال وكمان القشر مش هانرميه هانستفاد منه يالا واليكم الطريقة.
اولا هانجيب البرتقال
.. نغسلو كويس جدا ونجففه بفوطة قطن ونقسمه بالسكين ونعصره ونصفيه بس كدا
نعبيه في اكياس بلاستيك صحية او في علبة حفظ اوفي مكعبات التلج ونضعه في الفريزر لحين استعمالوا
في طريقة تانية
وهي شربات البرتقال... اننا بنجيب كمية البرتقال نصف كمية السكر مثلا جبتي 3كيلو برتقال ضعي عليهم كيلو ونصف من السكر ونضعهم في حلة ونسيبهم يغلو مع بعض ونعبيهم في برطمانات
ودا استعمالوا بنزود مية مثلجة عليه وتشربي احلي شربات برتقال.
نجي بقا للقشر.اغسليه ونشفيه في الشمس كويس وبعدكدا اطحنيه وحطيه في برطمان
هتسعمليه في ايه بقا.
اقولك ياستي في الكيك او عمل الشربات للحلويات
