الملوخيه على الطريقه السوريه

طريقة عمل الملوخيه على الطريقة السورية وبالأخص الحلبية
المقادير:
3 كاسات ملوخية ناعمة (يابسة طبعا)
دجاجة وزن 1 كغ
8 فصوص ثوم
ملعقتين كبار كزبرة يابسة
ملعقة صغير فلفل(بهار)
ملعقتين كبار سمنة
ملح حسب الرغبة
8 كاسات مرقة سلق الدجاج
اما الطريقة :
بتحطي طنجرتين (حلتين) الاولى بتحطي فيها الدجاجة لتسلقيها طبعا انت وطريقتك بالسلق
اما التانية بتحطي السمنة والملوخية وبتحطيهن على نار واطييييييييييييية كتييير يعني كانه مو شاعلة وبتتركيها شي ربع ساعة مع التقليب كل شوي
وبهالوقت بتكوني هرستي الثوم ولما بتحسي اعواد الملوخية شويت احمرت بتحطي الثوم المدقوق والكزبرة والبهار وبتقلبيهن لتحسي ريحة الثوم والملوخية عبقت البيت بتحطي بعدها المرقة من طنجرة سلق الدجاجة ..وبتعلي النار شوي بس وبتستنيا لتغلي(يعني من 10 دقايق لربع ساعة) ..بتكوني قطعتي الدجاج بهالوقت لقطع صغيررة ...بتحطي الملح للملوخية وبتقلبيا وبعدين بتحطي الدجاج وبتركيا شي خمس دقايق وبتطفي تحتا....خلصت مع الرز جنبا وعصرة ليمون وبالهنا والشفا.......