5 طرق طبيعية لعلاج الامساك المزمن
5 طرق طبيعية لعلاج الامساك المزمن..واتعرفي على اسبابه
الامساك هو عبارة عن عدم انتظام في حركة الامعاء, وفي اشخاص ممكن يعانوا من الامساك الحاد “قصير الاجل”, او المزمن “طويل الاجل”, والامساك الحاد اللي بيكون بيرتبط باعراض تانية معاه زي آلام البطن والتشنجات, الغثيان, القيء, النزيف في المستقيم, وفقدان مفاجيء في الوزن, وده بيكون محتاج لاستشارة طبية, واحنا النهاردة من خلال موضوعنا هنقولك 5 طرق طبيعية لعلاج الامساك.
المفروض كام مره تدخلي الحمام:
العدد الطبيعي ده بيختلف من شخص للتاني حسب حركة الامعاء, بعض الاشخاص ممكن يبقى 3 مرات او اكتر في اليوم, واشخاص تانيين ممكن يبقى كام مرة بس في الاسبوع, والاتنين منقدرش نقول عنهم ان فيهم حاجة مش صحية, لان امعاء كل شخص بتشتغل بشكل مختلف.
ولكن في بعض الحالات بيكون طول المدة ما بين كل مره والتانية دي اشارة للامساك وان حركة الامعاء مش مظبوطة, يعني عدم عمل البراز لمدة لمدة 3 ايام او اكتر ده بيشير عادة ان في حاجة غلط, وممكن تحصل مضاعفات خلال الفترة دي, وده بيخلي الموضوع اصعب مع الوقت.
طرق طبيعية لعلاج الامساك
طرق طبيعية لعلاج الامساك
بعض اعراض الامساك:
– الم في الجزء السفلي من البطن.
– الانتفاخ.
– تصلب البراز.
-صعوبة التبرز.
– عدم القدرة على تمرير معظم او كل البراز.
– النزيف في المستقيم.
طرق طبيعية لعلاج الامساك
بعض اسباب الامساك:
– الضغط العصبي.
– الكسل والخمول وعدم ممارسة الرياضة.
– تناول كميات كبيرة من منتجات الالبان.
– عدم تناول كمية كافية من الالياف.
– الافراط في تناول الملينات.
– الجفاف.
– اضطرابات الاكل.
– كاثر جانبي لبعض الادوية.
– استخدام بعض مضادات الحموضة.
– اضطرابات الجهاز الهضمي.
– الاضطرابات العصبية.
– قصور الغدة الدرقية.
– سرطان القولون.
– الحمل.
– التغيرات الهرمونية.
طرق طبيعية لعلاج الامساك
طرق طبيعية لعلاج الامساك:
في معظم الحالات مش بتكوني لوصفة طبية عشان تعالجي المشكلة, عشان كده النهاردة هنعرف 5 وصفات طبيعية هتساعدك على حل المشكلة بشكل فعال يمكن تكوني مسمعتيش عنهم قبل كده.
1- المية مع الليمون:
لان البراز الجاف هو اكتر سبب للامساك تقريبا, فالمحافظة على رطوبة الجسم ممكن انه يساعد في منع الامساك, السوائل في الجسم هتخفف البراز وتخليه يمر بشكل اسهل, وفي بعض الحالات المية لوحدها مش بتكون كفاية, في الحالة دي عصير الليمون بيبقى كانه نوع من المنشطات للجهاز الهضمي وبيساعد في علاج الامساك.
طرق طبيعية لعلاج الامساك
2- الزيوت:
في كتير من الزيوت فعالة في علاج الامساك, زيت السمك, او الاوميجا 3, من انواع الزيوت اللي ممكن تساعد على الهضم, والحقيقة ان الاوميجا 3 مفيد للجسم كله, ولو مقدرتيش تحصلي على زيت السمك من الاكل بشكل مباشر, ممكن تاخديه عن طريق مكمل غذائي كويس.
زيت الخروع كمان يعتبر من من العلاجات القديمة والسريعة والفعالة لعلاج الامساك, والزيوت المعدنية بشكل عام تعتبر اختيار كويس جدا لتنظيم حركة الامعاء.
3- المغنيسيوم:
المغنيسيوم هو يعتبر من المواد المغذية المعجزة, تخيلوا ان المغنيسيوم بيدخل في اكتر من 300 عملية في الجسم, بما فيهم الهضم, اكتر من 80% من الاشخاص اللي بيعانوا من مشاكل لفترة طويلة في الامعاء مش بياخدوا كمية كافية من المغنيسيوم في نظامهم الغذائي.
تقدري تحصلي على المغنيسيوم من الحبوب الكاملة, اللوز, البقوليات, الخضروات الورقية الخضرا, الذرة الصفرا, الاسماك وخصوصا السلمون والمحار, السبانخ, الموز, المكسرات, ومكملات المغنيسيوم عالية الجودة.
4- الاعشاب والنباتات:
“ملحوظة قبل ما تاخدي اي اعشاب, لو انتي بتاخدي دوا او وصفة طبية معينة يبقى لازم تستشيري الدكتور قبل ما تاخدي اي نوع اعشاب”.
ولكن غير كده تعتبر الاعشاب من الاختيارات الهايلة جدا للاشخاص اللي بيعانوا من الامساك, ومن اكتر الاعشاب الفعالة في علاج الامساك.
– الصبار.
– الشعير.
– بذور الكتان.
– الحلبة.
– القرفة.
تقدري تعملي اي نوع من الاعشاب دي على شكل مشروب وتشربية يوميا.
5- الالياف:
الالياف فعالة جدا في علاج الامساك, ومن الطرق اللي بتجيب نتيجة كويسة جدا مع كتير من الاشخاص, والخبراء بيوصوا ان المفروض الرجال يحصلوا على حوالي 38 جرام من الالياف يوميا, والنساء بيحتاجوا حوالي 25 جرام يوميا.
وعلى الرغم من ان الالياف تعتبر حل رائع جدا لامساك, ولكن مش هتديكي النتيجة المطلوبة لو جسمك مش رطب كفاية, عشان كده لازم تتأكدي انك تشربي ما لا يقل عن 8 كوبايات مية يوميا, ولو انتي بتعاني من الامساك زودي من كمية المية.
اطعمة بتساعد على علاج الامساك:
– اللوز.
– البروكلي.
– الفاصوليا السودا.
– بذور الكتان.
– الالياف.
– الشوفان.
– البرقوق.
– الزبادي
– الفراولة.
– القمح الكامل.
