منى فاروق تهدد بالتخلص من حياتها

فيديو.. منى فاروق تهدد بالتخلص من حياتها: بخاف أنزل الشارع
الممثلة: أنا أضعف بكتير من اللي حصل لي ومحدش مديني فرصة أعيش
أبدت منى فاروق حزنها بسبب المعاملة التي تتلقاها بسبب أزمتها الأخيرة، حيث ظهرت في فيديو جديد تتحدث فيه عن أزمتها النفسية وتبكي.
وقالت منى فاروق باكية: "كفاية إني أعمل نفسي مش واخدة بالي طول الوقت وعمالة أتعامل على إنه عادي وهو مش عادي وأنا تعبت من حاجات كتير قوي ومخنوقة قوي وأنا بتعامل طول الوقت مع الناس إن أنا منبوذة".
وتذكرت فاروق فترة سجنها قائلة: "من شهر 2 لشهر 6 أنا برة الدنيا وميتة وعايشة ميتة، وكنت كل لما أنزل ويكون فيه فرصة إن أخرج من الأزمة أقول يا رب كفاية ويوم ما قالوا لي إني أخدت إخلاء سبيل أنا وقعت من طولي مش مصدقة بجد والنبي يا رب يكون الناس مبيضحكوش عليا وأخويا وأمي يشهدوا على ده".

وأضافت: "أنا عايزة أعيش بسلام ومش عايزة حاجة وأنا أضعف بكتير من اللي حصل لي ومحدش مديني فرصة أعيش ولا أرجع أشتغل الشغل اللي كنت بشتغله وأنا غلطت وكلنا بنغلط وأنا كنت صغيرة قوي وانتوا بتتكلموا في حاجة من سنين ليه طلعت دلوقتي أنا معرفش وانا مش زعلانة أنا بحمد ربنا إن كل ده حصلي وأنا صغيرة وإني أقولكم إن أنا غلطت".
وتابعت: "كل الناس بتضايقني وأنا بخاف في مصر أمشي في الشارع حد يضايقني ومحدش عايش الحياة اللي أنا عشتها، ومحدش يحكم عليا ويقول دي مش كويسة عشان عملت كذا لأنك ماتعرفش ظروف البني آدمين زي ما أنا معرفش ظروفك وظروف كل واحد".
واستطردت: "مكنتش أتمنى خالص إن الناس تقول عليا الكلام ده وأنا كنت جوة الحبس كنت صعبانة عليهم".
وقالت منى فاورق: "ولا حد بيفكر يقولي معلش متزعليش انتي اتظلمتي ربنا هيكرمك دي كلبة ازاي تعمل كده"، متسائلة: "محدش بيغلط فيكوا وكلكوا ملايكة؟" مستطردة: "طب تعالوا ارموني بحجر ومن كان منكم بلا خطيئة فليرجمني بحجر".
وتابعت: "مين فيكم كويس وكلنا فاسدون لا أستثني أحد، ومحدش فينا مغلطش وأنا غلطتي كبيرة قوي على المجتمع".
ووجهت فاروق رسالة للشعب المصري قائلة: "أنا آسفة للشعب المصري ودي رسالة للشعب المصري وآسفة إن أنا جرحتكم إنكم شفتم حاجة زي كده بس أنا ماليش ذنب فيها وأنا مطلعتهاش وإن أنا خدشت الحياء كده مع إن أنا ماليش ذنب فيها ولما قالوا لي تعالي نتكلم معاكي حاضر وأنا رايحة برجلي عشان أتكلم وأقول ومحدش أخدني ولازم تبقوا فاهمين ده كويس وأخدوني من الدار للنار يوم 6-2".


وأبدت منى فاروق حزنها الشديد قائلة: "أنا تعبانة من جوة قوي قوي قوي ومحدش عايز يديني فرصة ولا مخرج ولا ممثل ولا مطرب عاوزين يدوني فرصة في التمثيل ولو براند في السوشيال عايز يديني فرصة بيخافوا"، متسائلة: "أعمل حاجات غلط ولا أروح أموت؟"، مضيفة: "أنا عن نفسي هروح أموت أحسن شكرا مش عايزة حاجة من الدنيا"، مختتمة الفيديو: "انتوا هتختاروا إيه بقا؟".