محمد الشرنوبي: بلاش تشتموا نجوم الفن بأهاليهم

محمد الشرنوبي ينصح متابعيه: بلاش تشتموا نجوم الفن بأهاليهم
مع بدء حملات التنمر ضد النجوم على مواقع التواصل الاجتماعي بعد عرض الحلقات الأولى من مسلسلات رمضان 2020، وجه الفنان المصري محمد الشرنوبي نصيحة عاجلة لمتابعيه، مطالبا منهم توجيه النقد والنصح للنجوم إذا كانت هناك أـخطاء واضحة في أعمالهم الفنية، ولكن يجب تجنب التعليقات الهدامة والإساءة للأهل.
وغرد الشرنوبي عبر حسابه الشخصي بموقع تويتر قائلا: ‏لو لقيت فنان مش عاجبك شغله انصحه، حاول تحس انه بني ادم وممكن يبقى مهتم يعرف الناس بتقول عليه ايه، فا لو لقاك بتنتقده يعرف يستفيد من انتقادك.
وأضاف: بلاش تهده وتشتمه بأهله لمجرد أنه بيقدم حاجة مش على هواك لأن أهله دول أكيد ناس محترمة ملهمش علاقة باللي بيقدمه.
تابع في تعليق على تغريدته قائلا: المشكلة الأكبر مش في كده كمان المشكلة لو حد منهم شاف الفنان اللي بيشتمه او بينتقده.. بيروح يتصور معاه عادي جدا يعني مش بس بيغلط لا وكمان مخادع.. ف ياريت لو اي حد مش عجبه اللي محمد الشرنوبي بيقدمه او اي فنان يقول رائيه باحترام علشان ده مش بس بيأثر عليه ده بيبن أخلاقك الشخص ده كمان.

وردا على تعليق لمتابع أكد أن بعض النجوم لا يستمعون للنصيحة ويقدمون أعمالا سيئة للغاية ولهذا يضطر الجمهور لتوجيه الشتائم لهم قال الشرنوبي: طب اشتم يا سيدي مع صحابك لو جواك طاقة وحشة عاوز تطلعها .. متشتمش على تويتر.

أضاف: و عموماً انا مش بتكلم على الناس اللي زي المثل اللي بتقول عليه .. انا بتكلم على ناس موهوبة بجد فيه ناس كتير بتحبها .. مش ناس كل الجمهور بينتقدهم و ناجحين بشكل سلبي.

يذكر أن اليوم الأول من عرض دراما رمضان 2020 شهد العديد من حملات التنمر بالنجوم وبخاصة الفنانة دينا الشربيني بعد عرض مشهد لها مع طفل يفترض أنه حديث الولادة بينما هو في الحقيقة كبير في السن، وهو خطأ يتحمله فريق الإخراج، كما تعرضت غادة عادل لحملة سخرية بعد عرض حلقتها ببرنامج "رامز مجنون رسمي".