11 سر جمال روتين العناية ببشرتك
11 سر جمالي المفروض تدخليهم في روتين العناية ببشرتك
هل سألتي نفسك قبل كده ليه المشاهير دايما بشرتهم حلوة برغم العمر او مشاكل البشرة المستمرة اللي المفروض بتحصل لاي واحدة؟ اكيد كلنا عارفين ان وراهم جيش من خبراء التجميل اللي بيهتموا بروتين العناية ببشرتهم, ولكن انتي ممكن توصلي للبشرة دي بنفسك في البيت من خلال نصايح للعناية بالبشرة, وبعض الاساسيات البسيطة المتاحة للكل وفي نفس الوقت فعالة وهتفرق معاكي في بشرتك, وده اللي هنعرفه مع بعض في السطور الجايه.
نصايح للعناية بالبشرة:
1- متقلليش من فوايد واقي الشمس:
مش ممكن تحققي بشرة حلوة وصحية من غير الاستخدام المنتظم لواقي الشمس, وخبيرة تجميل المطربة العالمية مادونا, بتقول ان اي حاجة هتعمليها لبشرتها هتبقى زي قلتها لو اهملتي خطوة واقي الشمس من روتينك اليومي, لان الواقي بيحمي البشرة من اضرار اشعة الشمس الضارة اللي ممكن تأثر على بشرتك بشكل سلبي, وخبراء التجميل بينصحوا باستخدام واقي شمس بعامل حماية SPF ميقلش عن 30, ولازم اعادة تطبيقه او تجديدة خلال اليوم كل ساعتين.
نصايح للعناية بالبشرة
2- متبالغيش في تجفيف بشرتك لو بتعاني من التهاب:
معظم الكريمات المضادة للبقع بتحتوي على مادة البنزويل بيروكسايد اللي بتجفف الجلد وبتزود من الالتهاب وبتزود من انتاج الزهم, والكحول بيعمل نفس التأثير ده على البشرة, عشان كده بننصحك تبعدي عن الطريقة دي لانها مش هتخلصك من البقع وهتزودلك مشاكل البشرة, خبراء التجميل بينصحوا باستبدال الطريقة دي بالتقشير بحمض الساليسيليك او اللاكتيك واستخدام ماسكات تنضيف بالطين.
نصايح للعناية بالبشرة
3- متنسيش رقبتك:
الرقبة هي جزء مهم من الجسم اللي بيبان عليها علامات العمر على طول, عشان كده مهم جدا العناية بيها, والجلد اللي في الرقبة بيكون رقيق ومحتاج عناية دقيقة زي وشك بالظبط, عشان كده بننصحك متنسيهاش في روتين العناية بتاعك.
نصايح للعناية بالبشرة
4- افركي مكعب تلج على بشرتك:
دكاترة الجلدية بينصحوا بفرك البشرة بمكعب تلج لثواني يوميا عشان تحمي بشرتك من الشحوب والبهتان, لان الخدعة البسيطة دي بتساعد على تحفيز الدورة الدموية, وده هيخلي بشرتك متوهجة وشكلها نضر وهيأثر عليها بشكل ايجابي.
نصايح للعناية بالبشرة
5- خزني منتجات العناية بالبشرة بشكل صح:
الخبراء ودكاترة الجلدية بيحذروا من تخزين منتجات التجميل الخاصة بيكي في الحمام لان الهوا الدافي الرطب هيخلي صلاحيتها تنتهي بشكل اسرع, عشان كده المفروض تخزني كريمات البشرة وغيرها من منتجات التجميل اللي مش بتستخدميها كتير في التلاجة.
نصايح للعناية بالبشرة
6- حافظي على كل حاجة بتلمس بشرتك نضيفة:
دكاترة الجلدية بيحذروا من لمس الوش بالايد وهي مش نضيفة, وبينصحوا بتغيير اكياس المخدات على الاقل مرة واحدة في الاسبوع لو بشرتك جافة او عادية ومرة واحدة كل 3 ايام لو بشرتك دهنية, نضفي شاشة تليفونك من وقت للتاني.
نصايح للعناية بالبشرة
7- متستخدميش السكراب واسفنجة البشرة, خصوصا لو بشرتك معرضة لحب الشباب:
متخصصين العناية بالبشرة بينصحوا بعدم استخدام اي منتجات كشط او دعك للبشرة (سكراب, اسفنج, فرش) لو كان عندك حب شباب, لان ده هيزود المشكلة وهيسبب التهاب للبشرة, واي نوع بشرة بيحتاج لتطهير وتنضيف من غير استخدام صابون قاسي على البشرة استخدمي بس غسول يكون خفيف على البشرة, ولتقليل الاحمرار والالتهابات, ممكن تستخدمي خليط الاسبرين مع المية وتعملي بيهم معجون حطيه على مكان البقع والالتهابات.
8- مساج الوجه هيساعد على التخلص من الهالات السودا تحت عينيكي:
تدليك منطقة تحت العين, بتساعد على تحفيز وتنشيط وتدفق الليمفاوية, وتنعيم الجلد, والتخلص من الانتفاخات والاكياس تحت العين, بالاضافة انها طريقة سهلة وتقدري تعمليها بنفسك في البيت.
9- اهتمي بالعناية بايديكي:
الايد بتحتاج للعناية زي الرقبة لان الجلد فيها رقيق وحساس, حاولي انك تعملي شغل البيت وانتي لابسة جوانتي عشان تحافظي عليها من اضرار مواد التنضيف, ورطبي ايديكي بانتظام باستخدام كريم مناسب, وممكن كمان تستخدمي الكريمات المضادة للشيخوخة على الايد زي ما بتستخدميها للوش, ومتنسيش تطبيق واقي الشمس على الايد.
10- تنضيف البشرة كويس:
دكاترة الامراض الجلدية بيحذرروا من النوم بالمكياج, لانك لو عملتي كده, هينتهي الامر بانسداد المسام والتهابات وحبوب على البشرة, ورغم ان النصيحة دي بسيطة جدا, الا ان بنات كتير بيهملوها.
11- دايما اقلعي البرا قبل النوم:
على الرغم ان بنات كتير بيفضلوا يناموا بالبرا عشان اكيد ماشيين ورا نصيحة ان ده هيحافظ على ثبات الصدر, لكن الدكاترة بيحذروا من النوم بحمالة الصدر وخصوصا الضيقة او اللي بيكون فيها سلك, لان ده بيقبض الدورة الموية او بيمنعها انها تشتغل بشكل سليم وده هيأدي لمشاكل صحية, بالاضافة الى ان النوم بالبرا ممكن يسبب تهيج الجلد, والارق بسبب عدم الراحة, وتغميق الجلد في المنطقة اللي تحت الحمالات على الكتف والسلك بتاع البرا.
