تورتة راس السنة

تورتة راس السنة سهلة و اقتصادية
تورتة لكل المناسبات السعيدة

مقادير الكيك
3البيضات
90غ سكر
فنجان ماء طايب
1/2 خمارة
1/2 فاني
90غ طحين + 2 م ك نشا /مايزينة/
مقادير لكريم باتيسيير
الحليب+ كريم باتيسيير
سكر
شكلاط +كاكاو +نسكافه
نعملو الكل فوق النار حتى تعقاد ونطفيو النار ونضيفو م ك زبدة ونحركو حتى تنسجم
مقادير الشونتيي
علبة كيمة + كاس ونصف حليب بارد مزيان
نخدموها حتى تطلع ونعملوها في الثلاجة لوقت الاستعمال
الطريقة
نخدمو البيض والسكر والفاني حتى ترجع مثل لكريم ونزيدو الماء ببطئ ونخدمو شي 2د ونزولو الطراب
ونضيفو الطحين والنشا والخمارة مغربلين
ونقلبو من الفوق لتحت ونعملوها في لاطة مستطيلة وندخلوها لفرن ساخن لمدة مابين 7 و10د فقط
نعملو منها 2 اي ندوبلو المقادير
ونخليوها تبرد ونقطعوها بايطار دائري
ونسقيوها بفانطا اناناس
ونعملو طبقة بالكريمة الحلوانية
ثم طبقة ثانية بالترقاع اي هادوك الجوانب ديال الكيك
ثم طبقة من الكريمة الحلوانية
ثم طبقة من الكيك دائما نسقيوه بفانطا
ونغلفوها كاملة بالكريم شونتييي ونعملو من الفوق طبقة لكريم وندخلوها للمجمد حتى تجمد لكريم باش منين نخويو عليها الناباج دافئ مينزلشي وتخسر
ونصبو عليها من الفوق الناباج مطلوق في حمام مائي ومضاف إليه ملون اصفر
ونعملو ليها للجوانب رقائق اللوز محمر
ونزينوها بالشكلاط مدوب
وبأي فاكهة موجودة او محببة انا عملت الموز والكرموس ودهنتهم بالناباج ورشيتو بالبرييو
بالصحة والراحة