شتوى شيك..على اد فلوسك ؟

استنى شوية في أول الشتا ومتستعجلش وانت بتشتري هدومك، بعد أول شهر أو اتنين بتبدأ الأسعار تنزل، والأهم إن المحلات بتعمل عروض على مبيعاتها وبتخفض الأسعار على القطع مع بعضها بخلاف انك تشتري قطعة واحدة.

أولاً لازم تختار انت عايز أيه من لبسك الشتوي؟، الدفا والشياكة مع بعض هيكلفوك جداً، لأن اللبس اللي شكله كويس وخامته حلوة بيبقى غالي جداً.

انت هتشتري اللبس الخارجي يكون شيك وحلو، وتروح على الملابس الرخيصة وتشتري لبس منها اللبس التقيل، وتلبسه تحت الهدوم الغالية اللي انت جبتها.

ممكن تعكس فصولك في اللبس، يعني تشتري هدوم الشتا في أول الصيف والعكس، هتستفيد من الخصومات اللي بتقدمها المحلات وبتوصل أحياناً 50%، يعني ممكن تجيب الجاكيت اللي سعره في الشتا 500جنيه بـ 250 أو 300 جنيه بالكتير ده غير فيه حاجات هتبقى أرخص من كده بكتير.