درج الثلاجة والحفاظ على الخضار

زاى تحافظى على خضارك من العفن فى درج التلاجة وتحتفظى بيه اطول وقت ممكن،

اشترى الخضار
طماطم وخيار وكوسه وفلفل و و و
بعد كده هاتى درج التلاجة بتاعتك وافرشيه بقماش بس تكون قطن او مناديل مطبخ ورقيه
وحطى الخضار بعد كده من غير اكياس
ليه بقى عملنا الحكاية دى
بسبب ان الخضار بيتنفس طبعا
والرطوبه بتكثف الهوا
وبتعمل مايه على جدران الدرج
بتبقى مأساااه

وبكده مش هيبقى فيه نقطة ميه فى الدرج ومش هيبقى فيه عفن

فى كمان فكرة للخضرة اللى مش بنستغنى عنها علطول فى البيت
النعناع والبقدونس والجرجير الخ الخ
اغسليهم كويس جدا جدا وطبعا لازم يجففوا
علشان يكونو جاهزين للاستخدام
وبحطهم فى علب بلاستيك بتاعة التلاجه
لكن برضو حطى فى قعر العلبه
اما ورق ابيض نضيف او حتة قماش قطن نضيفه
علشان ميكنش فيه رطوبه فى العلبه والخضره تدبل وتصفر
وبردو هتقعد معاكى اسبوع فى التلاجه كانها لسه طازة