نصايح تيته كوكو عن الخل
عايزين النهاردة نتكلم عن كام حاجه مهمه في البيت 
_الخل ده بالنسبالي من أهم الحاجات اللي مقدرش استغني عنها_بستخدمه في حاجات كتير بعد ما بغسل الخضار تنقعيه في الخل دقايق بيموت أي حاجه وكمان بنضف بيه الفراخ 
بحط من الخل في طبق الليفه اللى بغسل بيه المواعين بيطهر ويلمع 
بحط منه في مايه المسح واتفرجي على الأرض 
وكمان كل مده تعملي دوره بالخل للغساله بيحافظ جدا عليها 
انا كمان بحط معلقة علي بيض الكيكة علشان الزفاره وكمان يخليها هشا وكمان لو بتعملي رز ابيض حطي معلقة صغيره خل واتفرجي علي البياض وما يخليهوش يلزق 
عارفة الخل لما بيتحط ربع كوباية علي ازازة الصابون السايل بتاع المواعين بيخليه يتشطف كويس ومايسيبش اثر في الحاجة ويكون صحي اكتر
ولمعي بيه المرايات والازاز وكمان بلي فوطة خل ولفيها علي خلاطات الحنفيات واتفرجي ع اللمعة المعلومه دى من ادمن عزه على الجميله_شكا أن ورا دولابك أو فوقيه فار أو في حتت مش بتعرفي تطوليها اقولك سر خطييير 
النعناع ايوه ما تستغربيش الفيران بتكره جدا ريحة النعناع هاتي نعناع ممكن تنشفيه أو زي ما هو مش هتفرق وارمي في الأماكن دي منه يطفشهم ومنه هيخلي ريحة البيت حلوه 
الشتا وناس للأسف ما بتفتحش تهوي كتير هاتي ريحان عرفاه ريحته تحفة وبيتباع ناشف عند العطار وحطي بين المراتب والأماكن المقفوله الضيقة أي حشرات السرير والحاجات دي ما بتحبش ريحته
