الخشوع في الصلاة

أنا بصلي بس بسـرح ف الصلاه ومش بخشع ! 😞

اعمل ايه ؟! 😭 ،، بصلي وخلاص ومش بحس بأي بخشوع😭

طب صلى علي النبي كده وركزي معايا في الكلمتين دول👇😃

(1) ربنا سبحانه وتعالي قال :" وانها لكبيرة الا علي الخاشعين "

هي ايه يارب اللي كبيره وصعبه ؟!

الصلاه .. كبيره جداً علي اي حد اٍلا علي اللي بيخشعوا في الصلاه ❤

طب ايه هي مواصفات الخاشعين يارب ؟!

👈"الذين يذكرون الله قياماً وقعوداً وعلي جنوبهم "

🌸يبقي تعملي إيه عشان تكوني من الخاشعين ؟!😃

👈لسانك تشغليه في ذِكر الله طول اليوم يعني وانتي نايمه وقايمة وقاعده ترددي علي طول ( لا اٍله الا الله )❤

فتره قصيره جدا وهتلاقي ربنا قذف حُب الصلاه في قلبك تلقائي ✋😍

.

(2)حِب الله ❤.. صلي حُباً ف جلال الله 👆

مش علشان عايزة جنه او نار ✋ ،، حِبيه علشان ربنا يستحق انك تحبيه ❤

حب الله ده رزق😍

(3)انتي كل لما بتصلي بتصلي بالسور اللي انتي حافظها

ف ده بيخليكي بتصلي من غير تركيزي لانك عارفة انك مش هتغلطي ! ✋

لكن لو حفظتي كل يوم 5 آيات من القران الكريم 📖

وصليتي ف كل صلاه بآيه جديده من اللي حفظتيهم 😉

تركيزك كله هيكون ف انك متغلطيش .. وساعتها هتركزي 👌

وياسلام بقي لو كُل آيه تحفظيها تعرفي تفسيرها هتحسي انك وانتي بتصلي في عالم تاني خالص كأنك في كوكب الطاعه ❤ خشوع وتأمل الكلمات هيخلي قلبك طاير بجد

(٤) وانتي بتصلي خليكي مؤمن إنك بترتاح بيها مش منها☺

يعني السجده بتحضنك ، طولي فيها واحكي لربنا كل ال مضايقك ومتقومـش من السجده غير لما تكون قولتي كل حاجه جواكي ومش شرط صيغة دُعاء معينه ، المُهم قلبك يكون نضيف وانتي بتدعي 😉❤

(5)وانتي بتصلى تخيلي ان النبي (صلى الله عليه وسلم❤) قاعد يبصلك ويبتسم ويتأمل صلاتك 😍

ياتري تحب النبى يشوفك ازاي وانت بتصلي ؟

اذا أتممت القراءة صلي على سيدنا وحبيبنا محمد