نصايح تيته كوكو

بعد استعمال الثوم بندعك ايدينا فى اى حاجة اسنانلس لمدة 30 ثانية وبعدين نغسلها بمية وصابون

لما تيجى تفرمى اى اعشاب زى البقدونس او الكسبرة رشى عليهم شوية ملح عشان يثبتوا على لوح التقطيع و مايبهدلوش المكان

لما تيجى تعملى كفتة او ميت بولز لازم تدوقيها قبل ما تكوريها او تعمليها صوابع نعمل واحدة عينة ونطبخها وندوق ملحنا وفلفلنا
مهم جدا

لما نعمل اى حاجة روستو فى الفرن لازم نسيبها دقيقتبن بعد ما نطلعها من الفرن و قبل ما نحد فيها سكينة سواء لاختبار الطهى او للتقطيع لأن العصارة بتاعتها بتبقى فى الاغشية الخارجية و دى غلطة بيقع فيها بعض الشيفات

عشان تمنعى البصل انه يعمل ريحة و يتغير لونه فى السلطة اغسليه بمية باردة جارية بعد تقطيعه ونشفيه كويس وبعدين ضيفيه على السلطة

لما نيجى نشوح لحمة و خاصة القطعيات الكبيرة زى الروزبيف او الديك الرومى نحاول ننشفها بمنديل قبل ما ننزل بيها فى الزيت لان السائل اللى عليها بيقلل التشويح ويبقى زى السلق

لو هنعمل خضار مشوى فى الفرن لازم لازم نسخن الصينية الاول فى الفرن قبل ما نحط فيها الخضار علشان ما يبقاش مسلوق من تحت

ضيفى ربع كوباية لبن لمية سلق القرنبيط يخليه ابيض ناصع

ضيفى معلقة بيكنج بودر لما تسلقى البروكلى الكوسة او الفاصوليا بيحتفظ بلونها الاخضر الزاهى لجميل
لما نعمل وضفة حلويات لازم نلتزم بالوصفة و وزن وعيار المكونات عشان دة علم مش كفتة هيا 

نص معلقة سكر لما تنضاف على صلصة الطماطم بتشيل منها الطعم اللاذع عشان بنعادل الحموضة الموجودة فى الطماطم

لما نسلق بيض بنحط ملح عشان يبقى سهل التقشير و خل عشان لو بيضة اتكسرت السائل بتاعها ما يعكرش الدنيا

الزبادى و الخل فى التتبيل بيطروا اللحمة او الفراخ المشوية

عشان تكترى عصارة الليمون او البرتقال اضغطى على اليمونة بايدك شوية قبل العصر
او ميكرويف 10 ثوانى

الطاسة او الحلة اللى هنشوى فيها لحمة لازم تبقى سخنة جدا
لو معملتش تششششش و انتى بتستعمليها يبقى الاكل مش هيبقى حلو

سر قرمشة البفتيك يتم اضافة البيكنج بودر الي البقسماط الذي يستخدم في تحمير البفتيك وصدور الفراخ وكذلك اﻻسماك
- مكرونه الباشميل لوعايزة الوش طري وطعمه ألذ ضيفى معلقه لبن بودر واللحم المفرومة ضيفي ليها قرن فلفل حار وقرفة

- علشان الكوسة بتتكسر وانتي بتقوريها اغلي ميه وحطيها فيها خمس دقائق هتلاقي المقوار بيمشي لوحده

- وانتي بتعملي صينية الرقاق حطي ربع معلقة شاي بيكنج بودر في الشوربة وادهني الصينية سمنة ورشي دقيق بسيط ونفض الصينية من الدقيق قبل ماتحطي الرقاق

- لو بتسلقي المكرونه مش ترمى ميه السلق خدى منها شويه وضيقيهم على الصلصه وسيبهم يتسبكوا مع بعض

- لو بتعملى محشى كوسة بالذات حطى شوية نعناع اخضر او ناشف بيبقى وهم معاة وبيغير فى الطعم

- لو عايزة عجينة البيتزا تبقى مختلفة نكهيها بالاعشاب حطى زعتر وروزمارى وممكن بصل بودرة وتوم بودرة بيغير طعم العجينة

- سعات بيفيض مننا رز بايت وبنرمى كتير وطبعا ولادنا مبيحبوش الرز البايت اوعى ترمية عصجى لحمة مفرومة واعملى شوية بشامبل وهاتى خضار بسلة وجزر وبطاطس مسلوقين ورصى صينيتك وقلبى الرز مع الخضار وحطى تحت بشامل وطبقة رز وطبقة لحمة وطبقة رز تانى وبعدين البشامل وكلى احلى صينية رز بالخضروات من الرز البايت

- لو عايزة اكلك خفيف شوحى البصلة على النار من غير زيت او سمنة بس وطى النار والبصلة هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون

- لو عايزة تعملى كيكة برتقال ومفيش برتقال حطى معلقة عصير تانج برتقال مع كوب لبن وهيبقى عندك عصير برتقال
- انت بتعملى معجنات حطى معلقة خل على الدقيق هيخلى العجينة هشة معاكى

- لو نخلتى الدقيق اكتر من مرة الكيكة هتطلع هشة اكتر

- الكنافه لو بتحبيها طرية لازم تسقيها شربات سخن وكمان خفيف مش تقيل وتكون هي كمان سخنة وتطفي الفرن وتدخليها تتشرب . عشان طبقتين الكنافة ماتفصلش من بعضها وانتي بتعمليها وبعد ما تحشيها مكسرات رشي علي الحشو رشة من الشربات وغطيها بطبقة تانية من الكنافة واضغطي عليها كويس بصينية لو عندك بسبوسة تاني يوم احشي صينية الكنافة بالبسبوسة والمكسرات وحطي عليها 2 م جوزهند مبشور الطعم بيبقى تحفه

- قبل غلي الحليب، اغسلي الحله بالماء ثم اسكبي الحليب فيه دون تجفيفه، فهذا سيمنع الحليب من الالتصاق

- لمنع الفواكه المقطعة من الإسمرار خاصة التي ستستخدمينها في عمل سلطة الفواكه، يمكنك عصر ليموتة عليها

- بمجرد فتح علبة الصلصة، اسكبي قليلا من الزيت على السطح حتى لا تفسد سريعا في الثلاجة
- لا تضعي الملح على السلطة إلا قبل تقديمها مباشرة للضيوف حتى لا تذبل سريعا بفعل الملح

لما تعملى بانية او تتبلى سمك للقلى بلاش تحطى زيت فى التتبيلة عشان ما يفصلش منك فى الزيت ويستحسن نبرد البانية فى التلاجة ساعة على الاقل قبل الفلى

بلاش نحط زيت فى مية سلق المكرونة عشان بتفصل المكرونة عن الصوص و ما بتخليش الصوص طعمه يبان فيها
يعنى نحط ملح بس

التحكم فى درجة حرارة الفرن بيبقى حسب حجم الحاجة اللى بتطبخيها.. يعنى كل اما تصغر الحاجة نعلى الفرن والعكس
ما تشتريش ابدا توابل مطحونة من عند العطار...اشتريها حصى و حمصيها واطحنيها انتى فى الكبة
ماتعرفيش مخلوطة بايه

ممكن تعملى الفيشار فى الميكروفون على قكرة..حطيه فى كيس ورق بنى وشغلى عليه لحد ما الطرقعة تخلص..ودوقى احلا فيشار
لافضل نتيجة لعجن المخبوزات حطى الزبدة فى الفريزر وابشريها على الدقيق وقلبى

على قدر الامكان بنصح ان الفرخة تتشوى كاملة...كدة تحتفظ بالعصارة بتاعتها وتبقى تيستى و طرية فى المضغ
لما تعملى سيزر سالاد او اى سلطة بالخس مهم جدا تنشفى الخس قوى قوى عشان ماينزلش مية فى الدرسنج ويبوظ الدنيا
الفراخ مش بتاخد وقت فى التسوية

يعنى ممكن لو فراخ مقطعة مربعات تستوى فى 12 الى 15 دقيقة بس
لما تسلقى مكرونة اختارى اكبر حلة عندك عشان تاخد راحتها فى السوى
الباستا من ايطاليا..والطلابية يحبوا الرقص.....خليها ترقص فى المية وتاخد راحتها

لما تيجى تطبخى بزبدة ضيفى عليها نص ليمونة عشان لونها ما يسمرش و ما تتحرفش منك
افضل طريقة لسلق الببض

نحطه على التار مع ملح وخل فى مية باردة ونشغل البوتجاز ....اول لما المية تبدأ تغلى ....نطفيها ونسيبه على البوتجاز 12 دقيقة...وادعوا لى
لاحسن بيض عيون حطى البيض فى التيفال على البارد وغطيها بغطا. ..وبرضة ختدعى لى
ابعظى توابلك عن البوتجاز ارجوك..الحرارة العالية بيضيع طعمها اقسم بالله

بلاش تبقى تملى الحلة قوى لمل تطبخى ..الرز بالذات ..سيبى البخار يلعب لعبته
لاكل صحى وخفيف وملاءم للدايت استعملى الزبادى بدل المايونيز فى الكولسلو او اى سلطات تانية
تسوية الخضار قوى بتخليه يفقد كل فايدته الغذائية..الخضار السوتية والمشوى هو الحل
لما تيجى تفكى الفراخ او اللحمة المجمدة..نزليها فى التلاجة قبلها بيوم او اتنين...وممنوع بتاتا تتساب برة التلاجة تفك عشات البكتيريا بتتضاعف كل تلت ساعة
الفراخ النية فيها جرثومة مفترية اسمها سالمونيلا بتعمل بلاوى...اغسلى ايدك كويس بعد استعمالها ..و اغسلى كل الادوات اللى لمستها
الرز لما بينطبخ بينشط فيه جرثومة اسمها باسيلاس... لو هتبيتى رز فرزيه فى الحال
لما تسخنى اى أكل بايت اتاكدى ان درجة حرارته عدت 80 درجة مئوية عشان تتجنبى البكتيريا

اللى يجب يعرف اى معلومات يبعت وتيته كوكو هترد عليه من خلال sabayacafe

اتمنا يكون نصايحى عجبتكم